سوال:اسلام علیکم ورحمتہ اللہ وبرکاتہ گھر میں کام کرنے والی خاتون کے بیٹے نے بینک سے لون لیا ہے لیا ان کا قرض زکوٰۃ سے اداہو جائےگا؟
جواب: بینک سے قرضہ لینے کی صورت میں سودی معاہدہ کرنا پڑتا ہے سود کے متعلق قرآن و حدیث میں سخت ترین وعید وارد ہے. جس سے احتراز کرنا چاہیے. تاہم اگر وہ مستحق زکوٰۃ ہیں (یعنی اس کی ملکیت میں بہ قدر نصاب سونا، چاندی، کرنسی یا حوائج اصلیہ سے زائد مال نہیں ہے یا قرض منہا کر نے کے بعد نصاب باقی نہیں رہتا) تو ان کو زکوٰۃ دینا درست ہے ۔اس رقم کو وہ جس مصرف میں چاہے خرچ کریں.
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(۱)يَا أَيُّهَا الَّذِيْنَ آمَنُوا اتَّقُوا الله َ وَذَرُوْا مَا بَقِيَ مِنَ الرِّبَا إِنْ كُنْتُمْ مُؤْمِنِيْنَ فَإِنْ لَّمْ تَفْعَلُوْا فَأْذَنُوْا بِحَرْبٍ مِّنَ اللهِ وَرَسُوْلِه (البقرة : ۲۷۸)
(۲) ’’عن عبد اللّٰه بن حنظلة غسیل الملائکة أن النبي صلی اللّٰه علیه وسلم قال: لَدرهمُ ربًا أشد عند اللّٰه تعالٰی من ست وثلاثین زنیةً في الخطیئة‘‘. (دار قطني)
(۳) ومنھا الغارم وھو من لزمہ اوکان لہ مال علی الناس لا یمکنہ اخذہ والدفع الی من علیہ الدین اولیٰ من الدفع الی الفقیر(عالمگیری : باب فی المصارف، ۱ /۱۸۸)
صفہ اسلامک ریسرچ سینٹر
