سوال： کسی نے مسئلہ پوچھا ہے سجدہ تلاوت کرنے سے پہلے اللہ اکبر کہنے کا کیا حکم ہے وہ کہتی ہیں کہ میں یہ کہنا بھول جاتی ہوں۔
اور سجدہ تلاوت کے بعد التحیات بھی پڑھ لیتی ہیں کیا سجدہ تلاوت ادا ہوگیا؟
الجواب باسم ملھم الصواب
سجدہ تلاوت کے وقت تکبیر نہ کہنا یا سجدہ سے اٹھ کر التحیات پڑھ لینا یہ طریقہ درست نہیں،البتہ بھول سے ایسا ہونا شرعاً عذر ہے۔انسان کے بس میں یہ کہ دھیان اور توجہ سے سجدہ ادا کرنے کی کوشش کرے۔
تاہم سجدہ تلاوت میں چونکہ مقصد سجدہ ہے،اس لیے سجدہ تلاوت بہرحال ادا ہوجائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حوالہ جات:
1۔ عن ابن عباس رضي الله عنهما أن رسول الله صلى الله عليه وسلم قال : ( إن الله تجاوز عن أمتي الخطأ والنسيان وما استُكرهوا عليه ) حديث حسن (سنن ابن ماجة：2052)
2۔ “قوله وكيفيته أن يسجد بشرائط الصلاة بين تكبيرتين بلا رفع يد وتشهد وتسليم) أي وكيفية السجود۔۔۔۔ومما يستحب لأدائها أن يقوم فيسجد؛ لأن الخرور سقوط من القيام والقرآن ورد به وهو مروي عن عائشة – رضي الله عنها -، وإن لم يفعل لم يضره، وما وقع في السراج الوهاج
(2/ 137، ط: دار الکتاب الاسلامی)
3۔ وفی الھندیۃ:
“فإذا أراد السجود كبر ولا يرفع يديه وسجد ثم كبر ورفع رأسه ولا تشهد عليه ولا سلام، كذا في الهداية،۔۔۔۔والمستحب أنه إذا أراد أن يسجد للتلاوۃ و یسجد وإذا رفع رأسه من السجود يقوم ثم يقعد، كذا في الظهيرية”
(1/ 135، ط: دار الفکر)
4۔ “سجدہ تلاوت ادا کرتے ہوئے بہتر یہ ہے کہ قبلہ رخ کھڑے ہو کر ” اللہ اکبر ” کہہ کر سجدے میں جائیں اور ” اللہ اکبر ” کہہ کر اٹھنا جائیں۔
اور سجدے کے بعد التحیات کی شکل میں کچھ دیر بیٹھنا ضروری نہیں ہے، نیز اگر بیٹھے بیٹھے بھی سجدے کیا گیا، تو سجدہ ادا ہو جائے گا۔”
(فتاوی جامعۃ العلوم الاسلامیہ)
فقط۔ واللہ اعلم بالصواب
۸ربیع الثانی ۱۴۴۳ھ
16 نومبر 2021
