سوال: میرا سسرال انگلینڈ میں ہے میکہ کراچی میں ہے دیگر رشتے دار اسلام اباد میں ہیں اگر تین ہفتے کی نیت سے کراچی جاوں اور سب رشتے داروں کے گھر بھی جاوں ۔ کچھ دن اسلام اباد بھی رکوں تو کیا کراچی اور اسلام اباد میں مکمل نماز پڑھنی ہوگی ؟
تنقیح: کراچی میں کتنے دن رہنے کا ارادہ ہے اور اسلام آباد میں کتنے دن؟
جواب تنقیح :دونوں میں 15دن سے کم ہے۔
الجواب باسم ملھم الصواب:
واضح رہے کہ لڑکی شادی کے بعد شوہر کے تابع ہوتی ہے ،اس لیے اگر وہ اپنے والدین کے گھر پندرہ یوم سے کم قیام کے ارادے سے جاتی ہے اور میکہ مسافتِ سفر(سوا ستتر کلو میٹر) پر واقع ہے تو اس صورت میں عورت اپنے میکے میں قصر نماز ادا کرے گی ۔اور اگر پندرہ دن یا اس سے زیادہ قیام کہ نیت سے جائے یا میکہ مسافتِ سفر سے کم پر واقع ہے تو مکمل نماز ادا کرنی ہوگی۔
صورت مسؤلہ میں چونکہ کراچی اور اسلام آباد دونوں شہروں میں پندرہ دن سے کم کا ارادہ ہے،لہذا قصر نماز پڑھنی ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حوالہ جات:
1:قال في الدر (مع الرد کتاب الصلاة، باب صلاة المسافر: 599/2):
من خرج … صلی الفرض الرباعي رکعتین… حتی یدخل موضع مقامہ إن سار مدة السفر … أو ینوي… إقامة نصف شہر… بموضع واحد صالح لہا ۔
2:الدر المختار مع رد المحتار میں ہے:
” من خرج من عمارة موضع إقامته … مسيرة ثلاثة أيام و لياليها من اقصر ايام السنة…الخ”
(كتاب الصلاة، باب صلاة المسافر،ج:2،ص:222، ط: سعيد)
3:فتاوی ہندیہ میں ہے:
“ولا بد للمسافر من قصد مسافة مقدرة بثلاثة أيام حتي يترخص برخصة المسافرين…الخ ”
( كتاب الصلاة، الباب الخامس عشر في صلاة المسافر،ج:1،ص:139، ط: رشيدية)
4:فتاوٰی شامی میں ہے:
“( الوطن الأصلي ) هو موطن ولادته أو تأهله أو توطنه ( يبطل بمثله ) إذا لم يبق له بالأول أهل فلو بقي لم يبطل بل يتم فيهما ( لا غير و ) يبطل ( وطن الإقامة بمثله و ) بالوطن (الأصلي و ) بإنشاء ( السفر ) والأصل أن الشيء يبطل بمثله وبما فوقه لا بما دونه، ولم يذكر وطن السكنى وهو ما نوى فيه أقل من نصف شهر لعدم فائدته، وما صوره الزيلعي رده في البحر”. (2/132)
5:“بیوی کی اگر رخصتی ہو چکی ہے اور وہ اپنے میکے ملنے کے لیے آتی ہے تو وہ وہاں مسافر ہو گی جبکہ اس کی نیت وہاں پندرہ دن ٹھہرنے کی نہ ہو”
(آپ کے مسائل اور ان کا حل ج۔ 2ص383)
والله سبحانه وتعالى اعلم
تاريخ 8/9/22
11صفر1444
