سوال:السلام علیکم ورحمتہ اللہ وبرکاتہ۔
پورا قرآن بسم اللہ پر پڑھ سکتے ہیں؟اگر کسی نے بالکل قرآن پاک نہ پڑھا ہو یعنی نہ آتا ہو اور ضعیف بھی ہیں تو وہ قرآن پاک بسم اللہ کہہ کہہ کر ختم کر سکتے ہیں؟کیا یہ جائز ہے؟
جواب:وعلیکم السلام ورحمۃ اللہ!
پہلی بات تو یہ کہ قرآن کا حق تو یہی ہے کہ جس قدر ممکن ہو،عمر کے جس حصے میں بھی ہو قرآن کو سیکھنے میں وقت صرف کیا جائے،مشقت سے سیکھنے پر حدیث کے مطابق دوہرا اجر ملے گا۔لیکن اگر ممکن نہ ہو اور مذکورہ عمل قرآن کی تعظیم ،اس سے یک گونہ تعلق قائم رکھنے کے لیے کیا جائے ،تو ان شاء اللہ ثواب کی امید ہے ،نیز قرآن مجید کو دیکھنے کا ثواب بھی ملے گا۔لیکن اسے قرآن پاک کا مکمل کرنا نہیں کہا جاسکتا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قال رسول الله صلى الله عليه وسلم: «الماهر بالقرآن مع السفرة الكرام البررة، والذي يقرأ القرآن ويتتعتع فيه، وهو عليه شاق، له أجران» . (صحيح مسلم:۱ / ۵۴۹)
فقط واللہ اعلم بالصواب
