السلامُ علیکم و رحمة اللہ وبرکاته
مہر فاطمی آج کے حساب سے کتنا ہو گا؟
الجواب باسم ملہم الصواب
مہر فاطمی کی مقدار 500 درہم ہے یعنی ایک سو اکتیس تولہ تین ماشہ چاندی (1.5309 کلو گرام چاندی) یا اس کی مالیت کے بقدر رقم ہے۔
۔۔۔۔۔۔۔۔۔۔۔۔۔۔۔۔۔۔۔۔۔
حوالہ جات :
1۔عن أبي سلمۃ قالت: سألتُ عائشۃ کم کان صداق نساء النبي صلی اﷲ علیہ وسلم، قالت: کان صداقہ في أزواجہ اثنتی عشرۃ أوقیۃ ونشأً ہل تدري ماالنشّ؟ ہو نصف اوقیۃ وذلک خمس مائۃ درہم (وفي روایۃ) اصدق امرأۃ من نسائہ ولاأصدقت امرأۃ من بناتہ أکثر من أثنتی عشرۃ اوقیۃ۔
(ابن ماجہ: رقم 1886)
ترجمہ:حضرت ابو سلمہ ؓ سے مروی ہے کہ میں نے حضرت عائشہ ؓ سے پوچھا نبی ﷺ کی بیویوں کا مہر کتنا تھا،فرمانے لگیں:آپﷺ کی بیویوں کا مہر 12 اوقیہ اور ایک نش تھا ،کیا تم جانتے ہو ”نش“کیا ہے ؟وہ نصف اوقیہ ہے اور یہ (آج کل کے اعتبار سے )500 درہم بنتے ہیں ۔(دوسری روایت میں بھی کم و بیش اسی طرح ہے)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
1۔پانچ سو درہم کا وزن 12 ماشے کے تولے سے 131 تولہ 3 ماشہ چاندی ہے اور موجودہ زمانے کے گراموں کے حساب سے پندرہ سو تیس گرام اور 900 ملی گرام چاندی ہوتی ہے ،یعنی ڈیڑھ کلو تیس گرام ،900ملی گرام چاندی ہے۔
(امداد الفتاوی:ج 4، ص 604)
—————–
واللہ اعلم بالصواب
9جون2023
20ذی القعدہ 1444
