عام گفتگو میں کسی عجیب یا معمول سے ہٹ کر کام کے ہوجانے پر معجزے کا لفظ بولنے کا کیا حکم ہے ؟
الجواب باسم ملھم الصواب
واضح رہے کہ ”معجزة“ عربی زبان کا لفظ ہے، جو”عِجْزٌ“سے مأخوذ ہے، جس کے معنی بے بس اور عاجز کرنے کے آتے ہیں اور شرعا معجزہ کسی ایسے خرق عادت کام کو بولا جاتا ہے جو کسی نبی کے ہاتھ پر ظاہر ہو۔ البتہ اردو لغت میں معجزہ ہر اس کام کو کہا جاتا ہے جوکہ انسانی طاقت سے باہر ہو۔ لہذا اگر کسی عجیب یا معمول سے ہٹ کر کام ہوجانے پر مجازا یا محاورتا لفظ ”معجزہ“ بولا جائے تو اس کی گنجائش ہے۔
۔۔۔۔۔۔۔۔۔۔۔۔۔۔۔
حوالہ جات:
1۔فتاوی شامی میں ہے:
”فالحاصل أن الأمر الخارق للعادة بالنسبة إلى النبي معجزة، سواء ظهر من قبله، أو من قبل آحاد أمته، وبالنسبة إلى الولي كرامة لخلوه عن دعوى النبوة، وتمامه في العقائد وشرحها۔“
(كتاب حاشية ابن عابدين رد المحتار ط الحلبي – فصل في ثبوت النسب ۔باب العدة،ج:3ِ،ص:551)
۔۔۔۔۔۔۔۔۔۔۔۔۔۔
2۔القاموس الوحيد: عن الشي عَجْزًا وعَجَزاَناً: بے بس ہونا، عاجز ہونا، کسی بات کو نہ کر سکنا
(مادة: عجز، ص: 1049)
۔۔۔۔۔۔۔۔۔۔۔۔۔
3۔”معجزہ-وہ کام جو انسانی طاقت سے باہر ہو۔۔۔“
(فیروز اللغات: م-ع،1262،ط:فیروز سنز)
۔۔۔۔۔۔۔۔۔۔۔۔۔۔۔۔۔
واللہ تعالی اعلم بالصواب
9 صفر 1446ھ
15 اگست 2024ء
