سوال :لنڈے کے کپڑوں کا کیا حکم ہے ؟
الجواب باسم ملہم بالصواب
واضح رہے کہ کسی بھی چیز پر محض شک کی بنا پر ناپاکی کا حکم نہیں لگایا جاسکتا۔لہذا لنڈے کے کپڑوں پر اگر نجاست لگنے کا صرف شک ہو، ظاہری طور پر کوئی نجاست نہ لگی ہو تو اسے بغیر دھوئے بھی استعمال کیا جاسکتا ہے، البتہ لنڈے کے کپڑے عام طور پر چونکہ غیر مسلم ممالک سے منگوائے جاتے ہیں،اور غیر مسلم پاکی ناپاکی میں احتیاط نہیں کرتے،اس لیے بہتر یہ کہ لنڈے کے کپڑوں کو دھوکر استعمال کیا جائے، تاہم ان کپڑوں میں پتلون پاجامہ، شلوار وغیرہ ہو تو اس کو بغیر دھوئے استعمال کرکے نماز پڑھنامکروہ ہے۔
یہ بھی یاد رہے کہ چمڑے کے لباس میں اگر خنزیر کی کھال کا استعمال ہونا یقین یا غالب گمان سے معلوم ہوجائے تو پھر دھونے کے بعد بھی اس کا استعمال جائز نہیں ہو گا ؛کیونکہ خنزیر نجس العین ہے ۔اس کی کھال دھونے سے پاک نہیں ہو تی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
1)ثیاب الفسقۃ و اھل الذمۃ طاھرۃ۔دیباج اھل فارس نجس ،لجعلھم فیہ البول لبریقہ ۔(فصل الاستنجاء فتاوی شامیہ ردالمحتار ج 1ص۳۵۰)
۔۔۔۔۔۔۔۔۔۔۔۔۔۔۔۔۔۔۔۔۔۔۔
2)وقال بعض المشائخ تکرہ الصلوۃ فی ثیاب الفسقۃ لانھم لایتقون الخمور قال المصنف الاصح انہ لا یکرہ لانہ لم یکرہ من ثیاب اھل الذمۃ الا السراویل مع استھلالھم الخمر فھذا اولی انتھی بخلاف ما اذا ثبت بخبر مؤجب فی التنجیس (فتح القدیر ج۱ص۲۱۱)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ولا باس بنجس ثیاب اھل الذمۃ والصلوۃ فیھا،الا الازار والسراویل فانہ تکرہ الصلوۃ فیہما وتجوز(اما)الجواز فلان الاصل فی الثیاب ھوالطھارۃ فلا تثبت النجاسۃ بالشک ولان التوارث جاز فیما بین المسلمین بالصلوۃفی الثیاب المغنومۃ من الکفرۃ قبل الغسل واما الکراھۃ فی الازار والسراویل فلقربھما من موضع الحدث(بدائع الصنائع ج۱ ص۸۱)
واللہ اعلم بالصواب
شمسی 2021-12-25
قمری 20جمادی الاول 1442
