کیا نکاح سے پہلے والدین کی اجازت ضروری ہے

الجواب حامداً و مصليا

شرعاًاولاد کو اپنے ولی کی سرپرستی میں نکاح کی ترغیب دی گئی ہے ،اور ولی کی رضامندی کے بغیر کورٹ میرج یا خفیہ طور پر نکاح کرنا عُرفاً شرم وحیا کے بھی خلاف ہے  اور کئی آئمہ کرام کے مذہب کے بھی خلاف ہےاس لئے اولاً اس کی حوصلہ افزائی کسی بھی طرح جائز نہیں ہے۔

البتہ اس کے باوجوداگرکوئی لڑکی بالغہ ہو اور باقاعدہ ایجاب و قبول کے ساتھ کم از کم دو گواہوں کی موجودگی میں نکاح کرلےاور نکاح بھی کفؤ میں اورمہرِ مثل کے ساتھ ہوا ہو تو شرعاً یہ نکاح احناف کے نزدیک منعقد ہوجائے گااور والدین کو یہ نکاح فسخ کرنے کا حق حاصل نہیں ہوگا۔

اور اگر یہ نکاح مہرِ مثل سے کم پر ہوا ہے تو لڑکی کے اولیاء کو اعتراض کا حق حاصل ہے یہاں تک کہ شوہر مہر کو مہرِ مثل کے برابر کردیے ،ورنہ عدالت کے ذریعے اولیاء اس نکاح کو فسخ کرواسکتے ہیں۔

اور اگر لڑکا اس لڑکی کا کفؤ ( ہم پلّہ ) نہیں یا انہوں نے ایجاب و قبول کم از کم دو گواہوں کی موجودگی میں نہیں کیا تھا تو شرعاً یہ نکاح منعقد نہیں ہوا۔

نوٹ: نکاح میں کفو  کا مطلب یہ ہے کہ لڑکا پانچ چیزوں میں لڑکی کے خاندان کے برابر ہو
1۔ نسب میں نسب میں برابری کا مطلب یہ ہے کہ لڑکے کا خاندان لڑکی کے خاندان کے برابر ہو( اس میں مزید کچھ تفصیلات بھی ہیں جو بوقت ضرورت پوچھی جاسکتی ہیں)
2۔ مسلمان ہونے میں
3۔ لڑکادینداری و تقوی میں لڑکی کا ہم پلہ ہویعنی جو شخص دین کا پابند نہ ہو بلکہ بددین ہوتو وہ نیک و، پارسا عورت کا کفؤ نہیں ہے۔
4۔مال میں، یعنی لڑکا لڑکی کے نان و نفقہ پر قادر ہو اور دونوں کی مالی حیثیت میں اتنا زیادہ فرق نہ ہو جو لڑکی کیلئے باعث عار ہو۔
5۔پیشہ میں یعنی لڑکے کا پیشہ معاشرہ میں بہت زیادہ گرا ہوا نہ ہو مثلا ایک موچی یا حجام اچھے گھرانے کی لڑکی کا