سوال:
السلام علیکم ورحمتہ اللہ وبرکاتہ۔
مجھے یہ پوچھنا تھا کہ عشاء کی نماز میں جو وتر سے پہلے کے نفل ہوتے ہیں ،اس میں ہم تہجد کی نیت کرسکتے ہیں؟ اور جو وتر کے بعد جو نفل ہوتے ہیں ان میں ہم شکرانے کی نیت کرلیں تو یہ ہمارے عشاء کے نوافل ہی کہلائیں گے اور تہجد اور شکرانے کے الگ پڑھنے پڑیں گے۔ یا نفل میں ہم نیت کرسکتے ہیں ؟
جواب:
عشاء کی نماز میں وتر سے پہلے جو دو نفل ہوتے ہیں وہ عشاء کے ہی نوافل میں شمار ہوتے ہیں لہذا بہتر یہ ہے کہ ان کے علاوہ نفل ادا کرکے شکرانے وغیرہ کی نیت کرلی جائے ،اسی طرح تہجد کے نوافل کا حکم ہے کہ الگ سے چار رکعات تہجد کی نیت سے پڑھ لیے جائیں(۱) ،تاہم اگر کسی نے ان نوافل میں بھی تہجد یا شکرانے کی نیت کر لی تومذکورہ نیت کے ساتھ نفل ادا ہوجائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
“(۱) عن إياس بن معاوية المزني أن رسول الله صلى الله عليه و سلم قال : ” لا بد من صلاةٍ بليل، ولو
ناقةٍ، ولو حلب شاةٍ، وما كان بعد صلاة العشاء الآخرة فهو من الليل(المعجم الکبیر للطبرانی:۱/۲۷۱)
فقط واللہ اعلم
