فتویٰ نمبر:4099
سوال: محترم جناب مفتیان کرام!
کیا حالت حیض میں قرآن باہر سے پکڑ سکتے ہیں؟ اندر سے تو ٹشو رکھ کے پڑھ لیتے ہیں لیکن اٹھانے میں اگر ایسے ہی پکڑ لیں تو گناہ تو نہیں ہے نہ؟؟
اور اگر تفسیر یا تجوید کا پیپر ہو تقریری تو کیا حالت حیض میں سنانا جائز ہے؟
الجواب حامدا ومصلیا
حائضہ جس طرح اندر سے قرآن پاک براہ راست نہیں چھو سکتی اسی طرح باہر سے بھی براہ راست قرآن پاک نہیں چھو سکتی، اگر چھونے کی ضرورت ہو تو ایسے کپڑے یا کسی اور چیز سے قرآن پاک کو چھوئے جو اس سے متصل (جُڑی ہوئی) نہ ہو، مثلاً غلاف، کوئی کپڑا یا مصحف کی اکھڑی ہوئی جلد وغیرہ۔
دورانِ حیض عورت کے لیے قرآن کریم کی تلاوت منع ہے، البتہ تعلیمی ضرورت کی وجہ سے ایک آیت کی مقدار سے کم پڑھ کر سانس چھوڑ دینے کی حد تک فقہاء کرام نے جواز کا لکھا ہے۔ لہٰذا اگر طالبہ امتحان دیتے ہوئے پڑھے تو درمیان آیت سانس توڑ دیا کرے۔
قال الله تعالى:
“لا يمسه الا المطهرون”
(الواقعة:79)
“فيها حيض يمنع صلاة و صوما وتقضيه ودخول مسجد و الطواف وقربان ما تحت اِزار و قرأة قرآن ومسه الا بغلافه. وکذا ولا بأس بقرأة أدعية ومسها و حملها وذکر الله تعالٰی، وتسبيح و أکل وشرب بعد مضمضة وغسل يد. ولا يکره مس قرآن بِکُمٍّ”.
(حصفکي، الدرالمختار، 1: 290تا 294، دار الفکر، بيروت)
“ويمنع قراءة قرآن ومسه الابغلافه”.
(در مختار، 1 : 293)
واللہ سبحانہ اعلم
قمری تاریخ: 3/7/1440
عیسوی تاریخ: 8/4/2019
تصحیح وتصویب:مفتی انس عبد الرحیم
ہمارا فیس بک پیج دیکھیے.
فیس بک:
https://m.facebook.com/suffah1/
ہمارا ٹوئیٹر اکاؤنٹ جوائن کرنے کے لیے نیچے دیے گئے لنک پر کلک کریں.
ٹوئیٹراکاؤنٹ لنک
ہماری ویب سائٹ سے وابستہ رہنے کے لیے کلک کریں:
ہمارے یوٹیوب چینل کو سبسکرائب کرنے کے لیے کلک کریں:
