سوال: السلام علیکم
حالت حیض میں سینیٹری پیڈ استعمال کرنے کا کیا حکم ہے اور ان کو بغیر دھوئے پھینکنے کا کیا حکم ہے؟
الجواب بعون الملک الوھاب
وعلیکم السلام
ماہواری کوجذب کرنے کے لیے سینیٹری پیڈ کے استعمال میں کوئی مضائقہ نہیں۔البتہ استعمال شدہ سینیٹری پیڈ کوکھلےعام پھینکنا تہذیب اور حیا کے خلاف ہے۔حیاکا تقاضہ ہے کہ اس طرح کی چیزوں کو ایسی جگہوں پر پھینکا جائے جہاں عام لوگوں کی نگاہ نہ پڑے،لہذا بہتر یہی ہے کہ خواتین سینٹری پید کو کسی جگہ زمین میں دفنادیں،اگر یہ ممکن نہ ہو تو گہرے رنگ والے شاپر میں ڈال کر کچرا دان میں ڈال دیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حوالہ جات
فتاوی عالمگیری (الفتاوى الهندية ) میں ہے:
1۔”فَإِذَا قَلَّمَ أَطِّفَارَهُ أَوْ جَزَّ شَعْرَهُ يَنْبَغِي أَنْ يَدْفِنَ ذَلِكَ الظُّفْرَ وَالشَّعْرَ الْمَجْزُوزَ فَإِنْ رَمَى بِهِ فَلَا بَأْسَ وَإِنْ أَلْقَاهُ فِي الْكَنِيفِ أَوْ فِي الْمُغْتَسَلِ يُكْرَهُ ذَلِكَ لِأَنَّ ذَلِكَ يُورَثُ دَاءً كَذَا فِي فَتَاوَى قَاضِي خَانْ. يَدْفِنُ أَرْبَعَةً الظُّفْرَ وَالشَّعْرَ وَخِرْقَةَ الْحَيْضِ وَالدَّمَ كَذَا فِي الْفَتَاوَى الْعَتَّابِيَّةِ.”
2۔”یدفن أربعة: الظفر، والشعر، وخرقة الحیض والدم”.
(الهندیة، الباب التاسع عشر، ۵/۳۵۸)
فقط والله اعلم
13دسمبر2021
8جمادی الاول1443ء
