کینسرکی وجہ سے بچہ دانی کا نکلوانا

السلام علیکم
خاتون کے رحم میں رسولی ہے پچھلے پانچ چھ سال سے،اور کافی تکلیف ہے اب ڈاکٹروں نے رسولی کے آپریشن کا کہا ہے اور یہ بھی کہ اگر بچہ دانی کی کنڈیشن بہتر ہوئی تو نہیں نکالیں گے ،لیکن اگر نکالے بغیر چارہ نہیں تو نکالنا پڑے گا،اس کے جواز یا عدم جواز پہ جلد فتوی چاہیے،جزاک اللہ خیرا کثیرا

الجواب باسم ملہم الصواب

واضح رہے کہ اگر ممکن ہو کہ بچہ دانی کو نکالے بغیر رسولی کونکالاجاسکتاہوتو اس صورت میں بچہ دانی کو نکالنا جائز نہ ہوگا۔ تاہم اگر یہ ممکن نہ ہو یا بچہ دانی کو نہ نکالنے سے کینسر کے بڑھنے یا پھیلنے کا خدشہ ہو اور اس کی تصدیق مسلمان دیندار اور ماہر ڈاکٹر کردے تو اس صورت میں بچہ دانی نکالنے کی گنجائش ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حوالہ جات :

1.الضرورات تبیح المحظورات۔
الضرر یدفع بقدر الإمکان۔
(قواعد الفقہ: ص: 88- 89)

2۔خصاء بني آدم حرام بالاتفاق۔
(فتاوی الھندیہ: ج 5، ص 357)

3۔وقال ابن حجر في الفتح نقلا عن الطبري: لا يجوز للمرأة تغيير شيء من خلقتها التي خلقها الله عليها بزيادة أو نقص۔
(الموسوعۃ الفقھیۃ الکویتیۃ: ج 11، ص 274)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
1۔بچہ دانی نکلوانا: اگر کوئی دوسری صورت ممکن نہ ہو تو پھربحالت مجبوری عورت کی جان بچانے کے لیے بچہ دانی نکلوانے کی بھی گنجا ئش ہے۔
(فتاوی محمودیہ: ج 17، ص 291)
—————————————
واللہ اعلم بالصواب
4مئی 2023
14شوال1444