سوال: محترم جناب مفتیان کرام!
السلام علیکم ورحمة الله وبركاته!
1۔Alyana
2۔Inaya
ان دو ناموں کے مطلب کسی نے معلوم کروائے ہیں ۔۔۔۔۔اور کیایہ رکھنا مناسب ہیں؟
الجواب باسم ملہم الصواب
وعلیکم السلام ورحمة الله وبركاته!
1۔أليانة کا معنی ہے بڑے سرین والا ہونا ،اس معنی کے اعتبار سے یہ نام رکھنا درست نہیں ہے ۔
2۔عنایہ”عربی زبان کا لفظ ہے، اس کے معانی ہیں، لطف و کرم ، مہربانی، توجہ، التفات، تحفہ اور عطیہ۔ اس لیے ان دونوں ناموں میں سے ”عنایہ“ نام رکھنا ہی بہتر ہے، بہتر تو یہ ہے کہ ازواجِ مطہرات و صحابیات رضی اللہ عنہن کے ناموں میں سے کوئی نام رکھیں ۔
۔۔۔۔۔۔۔۔۔۔۔۔۔۔۔۔
حوالہ جات :
1 : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: إِنَّكُمْ تُدْعَوْنَ يَوْمَ الْقِيَامَةِ بِأَسْمَائِكُمْ وَأَسْمَاءِ آبَائِكُمْ، فَأَحْسِنُوا أَسْمَاءَكُمْ
(ابو داؤد: 4948)
ترجمہ: رسول اللہ ﷺ نے فرمایا :’’ تم قیامت کے دن اپنے اور اپنے آباء کے ناموں سے پکارے جاؤ گے ۔ چنانچہ اپنے نام اچھے اچھے رکھا کرو –
2۔آلیً :کلاں سرین ہونا الیان مذکر الیان مونث الیانۃ( بیان اللسان, ص:95, تالیف :قاضی زین العابدین سجاد میرٹھی )
3۔ألَيَاتٌ وألايا۔۔۔وكَبْشٌ ألْيانٌ۔۔۔ونَعْجَةٌ ألْيانَةٌ وألْيا، وكذا الرجُلُ والمرأةُ، من رِجالٍ أُلْيٍ ونساءٍ أُلْيٍ وألياناتٍ۔
والألْيَةُ: اللَّحْمَةُ في ضَرَّةِ الإِبْهامِ، وحَماةُ الساقِ، والمَجَاعَةُ، والشَّحْمَةُ، وبالكسر القِبَلُ، والجانِبُ۔
(القاموس المحیط ص:1260 )
4۔العناية :توجه، اهتمام
(القاموس الوحید ص:1139)
5۔عِناية :حفاظت کرنا
(مصباح الغات:581)
فقط
واللہ اعلم بالصواب
28 رجب 1445
8 فروری 2024ء
