سوال :السلام عليكم ورحمۃ اللہ وبرکاتہ
لڑکی کا نام مِرحا رکھنا کیسا ہے ؟
وعلیکم السلام ورحمۃ اللہ وبرکاتہ!
الجواب باسم ملھم الصواب
مِرْحا ( میم کےزیر اور ح کے بعد الف ) عربی قواعد کے اعتبار سے درست نہیں ہے،البتہ مرحۃ ( میم کے کسرہ اور آخر میں گول تا کے ساتھ) تکبر ،اکڑ اور اناج کے معنیٰ میں آتا ہے ،اس معنی کا اعتبار کرتے ہوئے یہ نام رکھنا درست نہیں –
لہذا بہتر اور مناسب یہ ہے کہ انبیا ،صحابہ اور صلحا کے نام پر نام رکھا جائے –
____________
حواله جات :
1: (مَرِحَ . كفَرِحَ : أشِرَ وبَطِرَ). والثلاثة ألفاظ مترادفة ، ومنه قوله تعالى : بِمَا كُنتُم تَفْرَحُونَ في الأَرْضِ بغير الحَقِّ وبِمَا كُنتُم تَمْرَحُونَ) (2) وفى المفردات : المَرَحَ: شدة الفرح والتوسع فيه ۔
(و) مَرِحَ ( : اختال) ومنه قوله تعالى : (ولا تمش في الأَرْضِ مَرَحاً)( 3) أى متبخترا مختالاً۔
(و) مَرِحَ مَرَحاً : (نَشِط ) . في الصحاح والمصباح : المَرَحُ : شدة الفرح ، والنشاط حتى يُجاوز قدره
والمِرحَة ، بالكسر : الأنبار من الزبيب وغيره)، وهو المحل الذى يُخترن فيه ذلك۔
(تاج العروس 7/ 113تا 117)
2: مَرِح: کھیتی کا خوشہ لگانا
المَرْحٰى: بڑی لڑائی
مرحىٰ: کلمہ تعجب
المِرحَة: خشک انگور کا ڈھیر
(مصباح اللغات 780)
3: مَرَحًا: خوشی سے جھومنا، اترانا
المَرَحُ: غائت درجہ خوشی مستی و شادمانی، اتراہٹ ،اکڑ
المَرِحُ: مگن ‘ اکڑباز’ خوش خورم
مَرْحَی : خوب بہت خوب واہ واہ کلمہ تعجب
المِرْحَةُ: خشک انگوروں کا ڈھیر
(القاموس الوحید 1537)
واللہ اعلم بالصواب
27 جمادی الاولی 1444
21 دسمبر 2022
