سوال:فجر کی نماز پڑھنے کے بعد دیکھا کہ آنکھ میں ہلکی سی میل تھی تو کیا نماز دہرانا ہوگی؟
تنقیح:کیا میل آنکھ کے کنارے پہ تھی اور جم گئی تھی جہاں وضو میں پانی پہنچانا ضروری ہے ؟
جواب تنقیح : اندرونی حصے میں
الجواب باسم ملہم الصواب
واضح رہے کہ وضو کے دوران آنکھ کے اندرونی حصے تک پانی پہنچانا فرض نہیں ہے، البتہ آنکھوں کے اطراف میں جہاں میل جمع ہوجاتا ہے، اس کو صاف کرکے دھونا ضروری ہے۔مذکورہ صورت میں میل چونکہ آنکھ کے اندر تھی لہذا آپ کا وضو ہوگیا تھا اور نماز بھی ہوگئی تھی، اب نماز کو دہرانے کی ضرورت نہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حوالہ جات :
1.لو رمدت عینه فرمصت یجب ایصال الماء تحت الرمص ان بقی خارجاً بتغمیص العین والا فلا۔
(فتاوی شامیہ: جلد 1،صفحہ 219)
2.ولو رمدت عینه فرمصت یجب ایصال الماء تحت الرمص ان بقی خارجاً بتغمیض العین والا فلا کذا فی الزاهدی.(الفتاوی الھندیہ: جلد 1، صفحہ 5)
3.الا ما یتعذر ایصال الماء الیہ خارج من قضیۃ النص وکذا ما یتعسر لان المتعسر منفی کالمتعذر کداخل العینین فان فی غسلھما من الحرج مالا یخفی۔(البحر الرائق:جلد 1، صفحہ 78)
4.ولا یجب ایصال الماء الی داخل العینین، ومن الناس من قال لا یضم العینین کل الضم ولایفتح کل الفتح حتی یصل الماء الی اشفارہ وجوانب عینیہ۔(الفتاوی الخانیة: جلد 1، صفحہ 33)
——————————————–
واللہ اعلم بالصواب
28نومبر2022
3جمادی الاول1444
