سوال:بچے کی عمر فارم پر کم لکھوانا جائز ہے، ایک یا دو سال؟
الجواب باسم ملھم الصواب
واضح رہے کہ فارم میں بچے کی اصل عمر سے کم عمر لکھوانا جھوٹ اور دھوکا ہے جو شرعاً ناجائز اور حرام ہے، حدیث پاک میں جھوٹ، غدر اور دھوکا دہی کی سخت ممانعت آئی ہے، لہذا فارم پر اصلی عمر ہی لکھی جائے۔غلط بیانی سے بچا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حوالہ جات:
1۔ حدیث پاک میں ہے:
“عن أبي هريرة، عن النبي صلی الله علیہ وسلم قال: آية المنافق ثلاث: إذاحدث كذب، وإذا وعد أخلف، وإذا اؤتمن خان”.
(صحیح البخاری، باب علامۃ المنافق: 1/10)
ترجمہ:
“حضرت ابوہریرہ رضی اللہ عنہ نبی کریم صلی اللہ علیہ وآلہ وسلم سےروایت کرتے ہیں کہ آپ صلی اللہ علیہ نے فرمایا: منافق کی تین نشانیاں ہیں: جب بولے تو جھوٹ بولے، جب وعدہ کرے تو اس کے خلاف کرے، جب امین بنایا جائے تو خیانت کرے”۔
2۔ “عن عبد الله بن عمر، رضي الله عنهما، عن النبي صلی الله علیه وسلم، قال: «لكل غادر لواء يوم القيامة يعرف به”.
(صحیح البخاری، كتاب الحيل: 1030/2)
ترجمہ:
“حضرت عبد اللہ بن عمر رضی اللہ عنہما روایت کرتے ہیں کہ میں نے رسول اللہ صلی اللہ علیہ وآلہ وسلم کو فرماتے سنا ہے کہ قیامت کے دن ہر دھوکے باز کے پاس ایک جھنڈا ہوگا جس سے وہ پہچانا جائے گا”۔
3۔ ” مَنْ غَشَّ فليس منّا”.
(جامع ترمذي: 1315)
ترجمہ:
” جو دھوکہ دے، وہ ہم میں سے نہیں ہے”۔
4۔ “اتفق الفقهاء علی أن الغش حرام ، سواء أ کان بالقول أم بالفعل وسواء أ کان بکتمان العیب في المعقود علیه أو الثمن أم بالکذب والخدیعة ، وسواء أ کان في المعاملات أم في غیرها من المشورۃ والنصیحة”.
(الموسوعة الفقهیة: 31/219)
فقط-واللہ تعالی اعلم بالصواب
29 صفر 1443ھ
6 اکتوبر 2021ء
