سوال:السلام علیکم ورحمتہ اللہ وبرکاتہ۔
مجھے اپنی بوتیک کی زکوٰۃ کے متعلق پوچھنا ہے بوتیک میں کپڑوں کا اسٹاک جمع ہے کیا اسٹاک پر زکوٰۃ ہوگی؟
جواب:جی ہاں!آپ کی بوتیک میں موجود کپڑوں کا اسٹاک بقیہ اموال زکوٰۃ کے ساتھ مل کر اگر نصاب(ساڑھے باون تولہ چاندی کی قیمت)کے بقدر ہے تو سال گزرنے کی تاریخ پر بوتیک میں جتنا مال موجود ہوگا مارکیٹ ریٹ کے حساب سے اس کی مالیت کا حساب کر کے چالیسواں حصہ (ڈھائی فیصد) زکوٰۃ نکالنی ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
” وفي عرض تجارة قیمته نصاب من ذهب أو ورق مقوماً بأحدهما إن استویا فلو أحدهما، أروج تعین التقویم به” ۔
(تنویرالأبصار مع الدر المختار ، کتاب الزکاة، باب زکاة المال کراچی ۲/۲۹۸، ۲۹۹)
فقط واللہ علم
