سوال: محترم جناب مفتیان کرام!
السلام علیکم و رحمۃ الله و بركاته!
کیا ہمارے ملازم اگر عیسائی ہوں اور وہ کرسمس کے موقع پر عیدی مانگے تو دینا جائز ہے؟
الجواب باسم ملھم الصواب
وعلیکم السلام ورحمتہ اللہ وبرکاتہ!
کرسمس کے تہوار پر عیسائی ملازموں کو عیدی دینے کی صورت میں چونکہ ان کے باطل تہوار اور تقریبات کا اقراراور ان میں شرکت کرنے کے مترادف ہے۔
اس لیے اس دن عیدی دینے کے بجائے بہتر یہ ہے کہ کچھ دن پہلے ہی یا بعد میں ان کی مدد کر دیں، تاکہ اُس دن کی تعظیم کا خیال بھی ان کے دل میں نہ آئے اور ان کے دلوں میں اسلام کی محبت پیدا ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حوالہ جات
1.﴿وَأَحسِنوا ۛ إِنَّ اللَّهَ يُحِبُّ المُحسِنينَ (سورةالبقرة آیۃ :195)
ترجمہ’’ اور نیکی کر و ، بے شک اللہ نیکی کرنے والوں کو دوست رکھتاہے ۔ ‘‘
2. وَيَنْبَغِي أَنْ يَفْعَلَهُ قَبْلَهُ أَوْ بَعْدَهُ نَفْيًا لِلشُّبْهَةِ.
شامی: 6/754)
فقط
واللہ اعلم بالصواب
25 جمادی الاولی 1443
30 دسمبر 2021 ء
